Нийгмийн эмзэг бүлгийн иргэдээ ялгаварлан гадуурхаж, нийгэм хамгааллын салбарт өмнө нь хэрэглэгдэж байгаагүй, доромж агуулгатай үгээр тодорхойлсон. Түүнийгээ өөрийн хэлсэн үг биш, яамны ажилтнуудын зааж өгсөн үг хэмээн мэдэгдсэн Хөдөлмөр, нийгмийн хамгааллын сайдаа Засгийн газар огцрууллаа.
ХНХ-ийн сайд Д.Сарангэрэл өчигдөр /2022.09.26/ УИХ-ын Нийгмийн бодлогын байнгын хорооноос зохион байгуулсан хэлэлцүүлэг дээр “улны айлууд” хэмээн тодорхойлсон нь нийтийн эсэргүүцэлтэй тулгараад байсан юм.
Өнөөдөр Ерөнхий сайд Л.Оюун-Эрдэнэ захирамж гарган Монгол Улсын Үндсэн хуулийн тодорхой зүйл заалтыг зөрчсөн Д.Сарангэрэлийг Хөдөлмөр, нийгмийн хамгааллын сайдын үүрэгт ажлаас огцрууллаа. Засгийн газрын гишүүн, улс төрийн хариуцлагатай албан тушаалтанд авч байгаа арга хэмжээг ЗГХЭГ-ийн дарга Д.Амарбаясгалан танилцуулж, Д.Сарангэрэлийн ажлыг өнөөдөр хүлээн авч байгаагаа мэдэгдсэн юм.
МАН 2021 оны арванхоёрдугаар сард хуралдуулсан намын ХХХ дахь Их хурлаараа хүний эрх, эрх чөлөөг дээдэлсэн, хүйсийн тэгш байдлыг хангасан улс төрийн нам болох ажлыг эрчимжүүлнэ гэдгээ мэдэгдсэн. Есдүгээр сарын 15-нд тус нам олон улсын Ардчиллын өдрийн тохиолдуулан “Жендерийн эрх тэгш байдал Монгол Улсад” сэдэвт хэлэлцүүлгийг зохион байгуулж, жендэр зөвхөн эмэг¬тэй¬чүү-дийн улс төрийн оролцоог нэмэх гэсэн явцуу зорилт биш. Нийгмийн зөрчлийг багасгаж, тэгш бус байдлыг хангахад энэ тэнцвэр чухал. Тиймээс энэ концепцод бид нэгдэх хэрэгтэй гэсэн байр сууриа тод илэрхийлж байсан.
Гэвч Засгийн газрын гишүүн, улс төрийн албан тушаалтан УИХ-ын байнгын хорооны арга хэмжээн дээр ард түмнээ ялгаварлан, доромж үгээр тодорхойлж, нийгмийн зөрчлийг хурцатгах үг хэллэг хэрэглэсэн нь МАН-ын гишүүд болон удирдлагуудыг эмзэглүүлжээ.
Д.Сарангэрэлийн үг, үйлдлийг хэрээс хэтэрсэн гэж үзсэн Засгийн газар яаралтай арга хэмжээ авч, түүнийг огцруулаад байна. Нөгөө талдаа энэ үйлдлээрээ МАН хүний эрх, эрх чөлөөг дээдэлдэг улс төрийн нам болох амлалтаа хэрэгжүүлж чаддаг гэдгээ харуулаад авлаа.
Like
1
Зөв
0
1
Буруу
1
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
