Төрийн тэргүүн нь, Ерөнхий сайд нь, төрийн зарим удирдлагууд нь ХЭНТИЙ аймгийнх болоод ч тэрүү Хэнтий аймаг “ДАВУУ ЭРХТЭЙ” байна. Андлалын хөшөө гэж нэг хэсэг шуугиан тарьж, төсвөөс гаргасан 1.9 тэрбум төгрөгийг буцаан татаж, барилга бүтээн байгуулалтыг нь зогсоож байлаа. Хэнтийчүүд юм л бол ХӨШӨӨ барих дуртай улс аж. ТӨСВИЙН МӨНГӨӨР хөшөө барихгүй гэж АМЛААД удаагүй байхад хэдийн улсын төсвийн 2.7 тэрбум төгрөгийн тендер зарлаж “Монголын нууц товчоо” цогцолборын интерьер, гадна тохижилт, гадна шугам сүлжээ хийхээр болжээ.
"Монголын нууц товчоо” цогцолборыг Хэнтий аймгийн Дэлгэрхаан суманд барьж байгаа бөгөөд 27 метр өндөртэй энэ цогцолбор есөн давхар байшинтай тэнцэхүйц хэмжээтэй хийх юм гэнэ. Цахим орчинд Хэнтий аймагт СЭЛЭМНИЙ хөшөө барьж байгаа гэх мэдээлэл тарсан нь дээрх цогцолборын барилга байсан аж.
Монгол Улсын Ерөнхий сайд Л.Оюун-Эрдэнэ ээ! Төрийн хэмнэлтийн хууль ХЭРЭГЖИХГҮЙ байна. Та эл хууль батлагдсанаар ТӨСВИЙН ХӨРӨНГӨӨР ХӨШӨӨ БАРИХГҮЙ гэж амлаж байсан. Гэтэл Хэнтий аймагт СЭЛЭМНИЙ хөшөө баригдаж хэдийн улсын төсвийн хөрөнгөөр 2.7 тэрбум төгрөгийн тендер зарлагдсан байна. Эдийн засгийн хүнд үед ТӨРИЙН ХЭМНЭЛТ хийнэ гэдэг нь энэ үү?
“Монголын нууц товчоо” цогцолборын интерьер, гадна тохижилт, гадна шугам сүлжээ 2.7 тэрбум төгрөгийн тендерийг Хэнтий аймгийн Орон нутгийн өмчийн газар захиалж, Байгаль орчин, аялал жуулчлалын яам тендер зарлажээ.
Хэнтий аймгийн засаг дарга Ц.Чогсомжав аа! Хэнтий аймгийнхаа замыг ч засаж чадаагүй байж бас л ХӨШӨӨНД улсын төсөв нь үрэх нь ТӨРИЙН ХЭМНЭЛТ үү? Хэнтий аймаг ХӨШӨӨ барихгүй л бол орон нутаг нь хөгжихгүй байна уу? Төрийн хэмнэлтийн тухай хуулийн хэрэгжилт ХААНА байна вэ?
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
