ХЗДХ-ийн сайд Х.Нямбаатар: Эрдэнэс Тавантолгойтой холбоотой анх үүсгэн байгуулагдсанаас хойш өнөөдрийг хүртэлх хугацаанд хийгдсэн нүүрс худалдан авахтай холбоотой бүх гэрээнүүдийг өнөөдөр ил болгож байна. Мөн “Эрдэнэс Тавантолгой” ХК-ий худалдан авалтын бүх гэрээг ил болгож байна. Арван хэдэн жилийн хугацаанд Эрдэнэс Таван толгой хэчнээн хэмжээний худалдан авалтыг, ямар аж ахуй нэгж байгууллагуудтай гэрээлж ажилласан бэ гэдгийг олон нийтэд ил тод болгож байна. Өнгөрсөн хугацаанд нүүрс тээврийн үйл ажиллагаанд ойролцоогоор 25мянга орчим тээврийн хэрэгсэл тээвэрлэлтийн харилцаанд оролцсон. Эдгээр машинуудын өмчлөгчдийн улсын бүртгэлийг мөн ил болгоно.
Өнөөдрийн байдлаар Эрдэнэс Тавантолгой компаниас “С” зөвшөөрөлтэй 150 аж ахуйн 5647 тээврийн хэрэгсэл богинын тээвэр хийж байна. Цагаан хаднаас Гашуун сухайт, Ганц модны боомтоор хил дамнасан тээврийг хийж байна. Уурхайгаас гашуун Сухайт хүртэл уртын тээвэрт нийтдээ 421 аж ахуйн нэгжийн 10432 тээврийн хэрэгсэл тээвэрлэлтийн үйл ажиллагаанд оролцож байна. Гашуун сухайт дах чингэлэг тээврийн терминалд 17 аж ахуйн нэгжийн 1281 тээврийн хэрэгсэл өнөөдрийн байдлаар тээвэрлэлтийн үйл ажиллагаа хийж байна. Нийлүүлээд дүгнээд хэлэх юм бол арван жилийн хугацаанд тээвэрлэлтийг 25 мянга гаруй тээврийн хэрэгсэл хийж байгаа.
Засгийн газраас нүүрсний хулгайн хэрэгтэй холбогдуулаад Эрдэнэс Тавантолгой компанийн үйл ажиллагаанд Олон улсын аудит оруулахаар шийдвэр гаргасан. Олон улсын аудитыг сонгохдоо дэлхийн топ аудитын компаниудын аль нэгийг сонгон шалгаруулж санхүүгийн үйл ажиллагаанд олон улсын хөндлөнгийн иж бүрэн хяналт аудитыг оруулахаар шийдвэрлэсэн. Засгийн газар гаргасан алдаандаа дүгнэлт хийж Эрдэнэс Тавантолгой компанийг олон нийтийн нээлттэй компани болгох бичиг баримтыг боловсруулж IPO гаргах ажлыг Д.Амарбаясгалангаар ахлуулсан ажлын хэсэг судлаж шийдвэрлэхээр боллоо.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
