ЕТГ: Үүрд хадгалагдах дурсгалын цом нь Улсын заан Б.Бат-Өлзийд байгаа болно

Админ

2022-12-30

Улсын заан Б.Бат-Өлзийд олгож байсан Ерөнхийлөгчийн нэрэмжит цомыг буцаан авсан тухай мэдээлэл цахим орчинд тархаад буй. Тэгвэл Ерөнхийлөгчийн Тамгын газраас ЗАЛРУУЛГА мэдээллийг хүргүүлж байна. Мэдэгдэлд:

"Монгол Улсын Ерөнхийлөгчийн Тамгын газар цомоо хийлгэж амжаагүй учраас улсын заан Б.Бат-Өлзийд үүрд хадгалуулсан цомыг буцааж авсан мэт цахим орчинд ойлголтын зөрүүтэй, бодит үнэнтэй үл нийцэх мэдээлэл тархаж байгаад залруулга хийж байна.

1. Үүрд хадгалагдаж үлддэг дурсгалын цом нь улсын заан Б.Бат-Өлзийд хадгалагдаж байгаа болно.

2. Монгол Улсын Ерөнхийлөгчийн цомын төлөөх барилдааны үндсэн цом нь журмын дагуу шилжин явдаг цом юм.

3. Монгол Улсын Ерөнхийлөгчийн цомын төлөөх барилдаанд хоёр удаа түрүүлсэн бөхөд цомыг үүрд хадгалуулна гэдэг үг үсэг дүрэм журамд огт байхгүй болно.

4. Үндсэн цомоос гадна үүрд хадгалагдах дурсгалын цом гэж байдаг. Тэрхүү дурсгалын цомыг түрүүлсэн бөхөд үүрд хадгалуулдаг журамтай. /Одоо цахим орчинд гараад байгаа үүрд хадгалуулав гэдэг үгтэй батламж бол тэрхүү цомыг дагалдан очдог батламж юм/

5. Монгол Улсын Ерөнхийлөгчийн цомын төлөөх барилдаанд 2 удаа түрүүлсэн 3 бөх байна. Монгол Улсын Харцага Т.Баасанхүү, Монгол Улсын заан Б.Пүрэвсайхан, Монгол Улсын заан Б.Бат-Өлзий гэсэн гурван бөх. Эдгээр бөхчүүдийн хэнд ч журмын дагуу үндсэн цом үүрд хадгалагдаж үлдээгүй болно.

6. Энэ жилээс эхлэн бөхчүүдээс гаргасан саналыг үндэслэн Монгол Улсын Ерөнхийлөгчийн цомын төлөөх барилдаанд 3 удаа түрүүлсэн бөхөд үндсэн цомыг үүрд хадгалуулахаар журамд өөрчлөлт оруулсан. Уг өөрчлөлттэй уялдан нэг шинэ цом хийлгэсэн нь одоо Монгол Улсын Ерөнхийлөгчийн Тамгын газарт хадгалагдаж байна.

Жич: Доорх зураг нь 2018 оны Монгол Улсын Ерөнхийлөгчийн цомын төлөөх барилдаанд түрүүлсэн бөхөд үүрд хадгалуулсан дурсгалын цом болно" гэжээ.

Нийт сэтгэгдэл 2

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

Иргэн - 2 жил өмнө

хариулах

Та нар хүч түрэмгийлж буруугаа бусад руу чихээд сурцан өөгүй цэвэрхэн ажилладаг болох гэж их чармайж бнаа буруу мэдээлэл өгсөн юм бол тэр Батөлзий нь залруулга хийдэггүй юм уу ард түмнийг илт басамжилж доромжилсон хэдэн новшнууд байх юм даа.

Зочин - 2 жил өмнө

хариулах

Тэмүүжин Бэгтэрийг яасний төлөө яадаг яадаг билээ. Монголчууд саадаг хормсогоо буцааж аваад тэгээд Эзэн хаанаа жаахан дуураймаар юм бна даа!!! Дээр үед саадаг хоромсогоо автсанаас үхсэн дээр мээр гээд байдаг одоо ч бүүр больж хохинээ хүнээр дарлуулаад дээрэлхүүлээд талбай дээр нүцгэлхээс өөр юм чадахымуу !!! Та нар.