“ДЦС-З” захирал асан Ч.Чинбатыг АТГ-аас "ЯЛЛАХ" дүгнэлт гарсан ч НПГ-т ирээд буцаагджээ

Дуулиан

0
1393

“ДЦС-З” захирал асан Ч.Чинбатыг АТГ-аас "ЯЛЛАХ" дүгнэлт гарсан ч НПГ-т ирээд буцаагджээ

Төр.мн I www.tur.mn

2021-10-26

"Дулааны цахилгаан станц 3"-ын захирал асан Ч.Чинбатыг АТГ-аас өнгөрөгч долоодугаар сард түүний албан өрөөнд нэгжлэг хийж шалгасны үр дүнд хээл хахууль, авлига авсан гэх үндэслэлээр 48 цаг саатуулсан удаатай. Бид өмнө энэ талааj мэдээлж байсан. /Энд дарна уу/ Гэвч түүнийг өнөөдөр АТГ-аас яллах дүгнэлт гаргаж НПГ уу шилжүүлжээ. "ДЦС-3"-ын захирлын албан тушаалыг хашиж байхдаа тэр хэд хэдэн тендерт гар бие оролцож түүнээсээ ихээхэн хэмжээний хувь хүртэж байсан нь газар дээрээ баригдах нь холгүй өнгөрсөн.

НЭГЭН ЦАГ ҮЕД УИХ-ЫН ГИШҮҮН Э.БОЛОРЧУЛУУНЫ ГАР ХӨЛ ГЭХ ЯРИА УЛС ТӨРИЙН ХҮРЭЭНД ЯРИГДАЖ ИРСЭН. ТИЙМДЭЭ Ч ТЭР ҮҮ, ТЭР ХОЁР ТҮҮНИЙГЭЭ БАТАЛЖ ДЦС-3-ЫН ЗАХИРЛЫН СУУДАЛД Ч.ЧИНБАТЫГ ТОМИЛУУЛСАН ЮМ.

АЛТНЫ ДЭРГЭД ГУУЛЬ ШАРЛАНА ГЭГЧЭЭР УИХ-ЫН ГИШҮҮН Э.БОЛОРЧУЛУУНЫ ХАЙР ЭНЭРЛИЙГ ЧИМЭЭГҮЙХЭН ДААЖ, ДАРГЫН СУУДАЛДАА ӨНӨ МӨНХ СУУХАА МЭДЭХГҮЙ ЭРХ МЭДЛЭЭ ХЭТРҮҮЛЭН ЭДЭЛЖ, БАЛГАА ЧИРЧ БАЙГААГ ХЭН ХҮНГҮЙ ӨНӨӨДӨР ХАРЖ БАЙНА.

Түүний эрх мэдэл хэрээс хэтэрч ДЦС-3-т “ХААН СЭНТИЙД” суусан мэтээр андуурч үндсэн ажилчдаа ямар ч “ҮНДЭСЛЭЛГҮЙ” халж, оронд нь гар хөлийн үзүүрт зарагддаг дүү нараа нэг нэгээр нь оруулж байсан сурагтай.

Дарга гэх сэтэр дор байгууллагын “Ланд-200” маркын автомашиныг амины унаа гэж андуурч дураараа дургиж явсан цаг нь ард үлдэж, “ААВЫН ХААЛГА” татах дээрээ тулжээ. Нэг үгээр Ч.Чинбат сайн ах эгч нарын ач тусаар нэр цэвэр үлдэх магадлал өндөр нэгэн билээ. Өнөөдрийн байдлаар түүнийг АТГ-аас НПГ-т яллах дүгнэлт үйлдэж шилжүүлсэн ч түүнийг дахин шалгах болно гэж АТГ-т мэдээлжээ. Иймээс түүнийг авлига авсан уу, албан үүргээ хэтрүүлэн эдэлсэн үү гэдгийг дахин тогтоох аж. Төсвийн мөнгөнөөс хумсалж идсэн хүн мултрах арга замаа бодоогүй биш бодсон байх.

ХАРИН ТЭР ХЭРХЭН НЭР ЦЭВЭР ГАРЧ ИРЭХ НЬ ОЛНЫ ХҮЛЭЭЛТ БОЛООД БАЙНА.

ТҮҮНИЙ ҮЙЛДСЭН БУСАРМАГ ЗҮЙЛИЙГ ДАХИН НЭГ САНУУЛБАЛ, “СОДОН НОМИН КОНСТРАКШ” НЭРЛЭГДЭЖ БАЙГАА БӨГӨӨД ТУС БАЙГУУЛЛАГА НЬ ҮЙЛ АЖИЛЛАГАА ЭХЛЭЭГҮЙ БАЙХАД 100 ХУВИЙН САНХҮҮЖИЛТ ОЛГОСОН НЬ ИЛ БОЛСОН. УГ ХЭРЭГТЭЙ ЗЭРЭГЦЭН “ТОД ЭКСИМ” ХХК-Д ХУУЛЬ БУСААР ТЕНДЕР ӨГЧ, ТҮҮНЭЭСЭЭ ИХ ХЭМЖЭЭНИЙ АВЛИГА АВСАН БАЙХ МАГАДЛАЛТАЙ БАЙГАА ГЭХ ҮНДЭСЛЭЛЭЭР АТГ-Т ШАЛГАГДАЖ ЯЛЛАХ ДҮГНЭЛТ ГАРЧЭЭ.

Ийм үйлдэл хийчхээд “НЭР ЦЭВЭР” үлддэг дарга нарын тоонд тэр энэ удаа багтаж чадах болов уу гэдэг асуултын өмнө ирээд байна. Түүнд хэн авралын гараа сунгах бол...

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.