Алаг үрсийг атга чихрээр хуурахаа боль! В.Энхбаатар аа

Дуулиан

1
1823

Алаг үрсийг атга чихрээр хуурахаа боль! В.Энхбаатар аа

Админ I Төр.мн

2022-05-24

Аминаас нь тасарсан алагхан үрээ сэтгэлээр унаж, урам хугарсан байдалтай байгааг харсан ямар ч эцэг, эх сэтгэл санаагаар унаж тэдний төлөө юу хийхээ ойлгохгүйд хүрдэг.

Яг түүн шиг нэгэн эцэг охин үрээ сэтгэлээр унасан байдлыг хараад тэсэлгүй сошиал орчинд ийн шүүмжлэлтэй ханджээ. Тэрээр хэлэхдээ: “HARIBO-гийн 100н жилийн зургийн уралдаанд хүү охин 2 маань оролцоод пэйж хуудасруу нь зурагаа оруулаад 2022;05;23нд бодит зурагаа АЛТАН ЖОЛОО группийн офисст авчиран өгч БЭЛЭГ аваарай гэж. Өглөө нөгөө 2 маань эртлэн босож зурагаа бариад л аавтайгаа 3уул түгжирэн очоод зурсан зурагаа өгтөл бэлэг нь энэ шүү. Ахин ийм уралдаанд оролцох зураг зурах мөрөөдөл нь талаар нэг болж байгаа хүүхэдүүд тэнд ямар олон байваа. Хаа холоос аав ээжийгээ эмээ өвөөгөө дагуулсан ухаан суусан хүүхэдүүд бараг ичээд л гарч байна лээ. Ахиж ийм хөгийн юм хийхээ больж үз” хэмээн нийтэлжээ.

Гэтэл “Алтан жолоо групп” нь Монголдоо толгой цохидог компаниудын нэг юм.

Тодруулбал: “Алтан Жолоо Импекс” ХХК нь 2002 онд байгуулагдсан ба “Алтан Жолоо Групп”-ийн импортын бизнесийн нэгж юм. Тус компани нь өдгөө Герман, Нидерланд, Дани, ОХУ, Малайз, Сингапур, Филиппин, Вьетнам, Турк, Саудын Араб, Өмнөд Солонгос, Бразил, Болгар зэрэг дэлхийн 20 гаруй улсаас JULIES, HARIBO, DAMLA зэрэг дэлхийн брэнд болсон 700 гаруй нэр төрлийн бүтээгдэхүүнүүдийг импортлон Монгол улсын өнцөг булан бүрт төлөөлөгчдөөрөө дамжуулан хэрэглэгчдэд хүргэн ажиллаж байгаа.

Алтан Жолоо Импекс ХХК / Altan Joloo impex LLC - Монголын иргэн бүрд ажлын байр!

Гэтэл хүүхдийн баярын сургаар хүүхдүүдийн дунд "Haribo Goldbears 100 жилийн төрсөн өдрийн баяр" гар зургийн уралдаан зарлажээ. Уг уралдаанд маш олон хүүхэд, багачууд идэвхтэй оролцон бүгд л амжилттай оролцож ТОМ группээс ТОМ бэлэг авахыг битүүхэн дотроо мөрөөдсөн биз ээ.

May be a cartoon of child and text

May be a cartoon of text

Харин өхөөрдөм бяцхан хүүхдүүдийн хүсэл мөрөөдлөө шингээж цаг хугацаагаа зарцуулан барин бүтээсэн бүтээлийг нь “Алтан жолоо групп”-ийнхэн нэг уут ЧИХРЭЭР үнэлжээ. Тэд уут чихэр авахын төлөө сэтгэл зүрхээ шингээж зурсан юм гэж үү. Эцэг, эхчүүд нэг уут чихэр авч чадахгүйдээ уралдаанд оруулсан юм гэж үү. Үгүй дээ. Хүүхдийнхээ чадварыг бодитоо үнэлүүлэхийг хүсэж, хүсэл мөрөөдөл зорьсон зүйл нь амжилтыг дагуулна гэдгийг мэдрүүлэх гэж ийн уралдаанд оролцуулдаг юм

Алтан жолоо группийн ерөнхийлөгч В.Энхбаатар аа! Та алаг үрсүүдийн авьяас бэлэг идэвх чармайлт, хүсэл мөрөөдлийг нь атга чихээр хуураад болчих нь гэж бодсон бол том эндүүрэл. 700 гаруй нэр төрлийн бүтээгдэхүүн импортолдог байгууллагын хувьд хүүхдийн хүсэл мөрөөдлийг нэг уут чихэрээр үнэлж доромжлох хэрэг байсан уу? Алаг үрсээс чихрээ харамлаж байгаа хүний сэтгэл ариун байхгүй нь лавтай.

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.