Худалдаа хөгжлийн банкнаас хоёр сая ам.доллар залилсан хэрэг өнгөрсөн тавдугаар сарын 25-ны өдөр гарсан бөгөөд уг хэрэгт тус банкны хоёр ажилтан хамтарч оролцсон байж болзошгүй мэдээлэл цацагдлаа. 32-41 насны дөрвөн этгээд хамтран хуурамч бичиг баримт үйлдэн Худалдаа хөгжлийн банкны "Шангрила" салбараас БНХАУ-ын иргэний үүсгэн байгуулсан "Эрдэнэт лайт" компанийн данснаас хоёр сая ам.доллар луйвардсан байна.
Хэргийн шалгалтын явцад өмнө нь тус банкны 7 нэр бүхий ажилтан уг компанийн дансны мэдээлэлд ханджээ. Түүнээс хоёр нь залилагч нартай холбоотой нь нотлох баримтаар тогтоосныг Өдрийн сонины нийтлэлд баримтаар дэлгэсэн байна.
Харилцагчдынхаа данс руу чөлөөтэй нэвтэрч, дансны гүйлгээ, орлого зарлагыг хүссэн үедээ үздэг Худалдаа хөгжлийн банкинд харилцагчид итгэл алдарч, эхнээсээ гэрээгээ цуцалж, дансаа хааж байгаа гэх мэдээлэл байна.
Тус банкны хувьд ийм “ЛУЙВАР”-ын гэж хэлж болохуйц үйлдэл нэг биш удаа гарч байсан нь цахим орчинд архивлагдан үлдсэн байна.
Тухайлбал, Хотын А хэсэгт сүндэрлэсэн 14 давхар барилгыг 27 орчим тэрбум төгрөгөөр бариулсан атлаа зөвхөн 11, 12 дугаар давхарыг, 10 автомашины зогсоолтой нь Хөгжлийн банкинд 27,7 тэрбум төгрөгөөр зарчихсан. Нэг ёсондоо үнэгүй 14 давхар барилгатай болж, бүрч болоогүй 700 гаруй сая төгрөгийн ашиг хүртчихсэн баримт гарч байсныг үзэгчид санаж байгаа биз ээ.
Түүнчлэн дөрөвдүгээр сард тогтоосон хөл хорионы үед Монгол улсын Засгийн газраас иргэн бүрт цар тахлын үеийн дэмжлэг хэмээн олгосон 300 мянган төгрөгийг зээлийн төлбөрт суутгаж, иргэдийнхээ халаасыг “ХООСЛОСОН” үйлдлүүд гээд баримтууд хөвөрч байна.
Монгол улс Олон Улсын Валютын Сангийн Өргөтгөсөн Санхүүжилтийн Хөтөлбөрт хамрагдсан. Уг хөтөлбөрийн хүрээнд Монголын арилжааны банкуудад шалгалт хийхэд хамгийн муу үзүүлэлттэй хоёрхон банк л гарсан. Худалдаа Хөгжлийн банк тэргүүтэй банк байгаа гэж 2018 онд "Буян" компаний Ерөнхий Захирал Б.Жаргалсайхан мэдэгдэж байсан. Энэ тухай дэлгэрэнгүй мэдээллийг энд дарж үзнэ үү.
Учир нь Худалдаа Хөгжлийн банк асар том том зээлүүд гаргасан. Үүнд төрийн мөнгө ч бий. Өөрсдийнх нь авсан мөнгөнүүд ч хэвтэж байна. Замбараагүй зарчихсан” хэмээн хэлж байна.
Банкны салбарын “УНАЛТ”-ыг Монголбанк олон нийтэд мэдээллээд байдаггүй. Учир нь дампуурах эрсдэлтэй гэж үздэг бөгөөд нөхцөл байдал хүнд байгаа ч “Нуух” оролдлогыг бодлогоор хийдэг байж мэдэх.
Худалдаа хөгжлийн банкны энэ мэт үйлдлүүд, мөн найдваргүй бөгөөд харилцагчийн мэдээлэл, нууцлалыг хадгалж, хамгаалж чаддаггүй энэ үйлдлүүдээс бол тус банк “УНАЛТЫН ИРМЭГТ” хүрчээ.
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
