Өнгөрсөн 2025 онд Монгол Улс нийт 637.9 сая ам.долларын үнэлгээ бүхий 8,846.4 мянган тонн төмрийн хүдэр экспортолсон байна. Экспортын нийт хэмжээний 100 хувийг БНХАУ-д нийлүүлжээ.
Тодруулбал, экспортолсон бүх төмрийн хүдэр нь Бүгд Найрамдах Хятад Ард Улс руу чиглэсэн бөгөөд Монголын төмрийн хүдрийн гол зах зээл хэвээр байгааг харуулж байна.
Үнийн хувьд, 2024 онд нэг тонн төмрийн хүдрийн хилийн дундаж үнэ 79.6 ам.доллар байсан бол 2025 онд 72.1 ам.доллар болж, өмнөх оноос 7.5 ам.доллараар буурчээ. Үнийн энэхүү уналт нь олон улсын зах зээлийн хэлбэлзэл, эрэлт нийлүүлэлтийн өөрчлөлттэй холбоотой гэж үзэж байна. Мэргэжилтнүүдийн зүгээс төмрийн хүдрийн экспортын хэмжээ тогтвортой байгаа ч нэгж үнэ буурсан нь нийт орлогод сөргөөр нөлөөлж болзошгүйг онцолж байна. Цаашид нэмүү өртөг шингэсэн бүтээгдэхүүн үйлдвэрлэх, хүдэр баяжуулах, боловсруулах чиглэлийг хөгжүүлэх нь экспортын орлогыг нэмэгдүүлэх чухал хүчин зүйл болохыг мөн дурдлаа.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
